Conmemoramos este 8M cun escape room cuxas pistas levaban a libros escritos e/ou protagonizados por mulleres senlleiras.

De escoller os libros, pensar as preguntas e deseñar o xogo encargáronse os axudantes de biblioteca. No PDF tedes as fichas por se as queredes descargar e xogar con elas noutras bibliotecas.

Foron varios grupos do centro os que puideron competir e, de paso, aprender algo máis sobre mulleres destacadas nas letras, no deporte, na ciencia… En concreto, o alumnado de FP básica e o de 4º de ESO.

Pero esperamos que non serán os únicos. Non só polas recomendacións lectoras e a exposición sobre o 8M que temos na biblioteca, senón porque pensamos repetir o xogo proximamente… quen se anima?!