“NIN UNHA MÁIS” é o lema deste 25 de NOVEMBRO para lembrar a tódalas mulleres vítimas de violencia de xénero. Lembramos co alumnado de 1º de ESO ás irmás Mirabal, coñecidas como “as bolboretas”; o alumnado de 3º da ESO comparte connosco unha “performance” para lembrar ás vítimas do último ano; o equipo de EDLG e o alumnado de 3ºA ESO rebélase con versos en galego contra tremendas inxustizas; o equipo de Polos creativos fai e reparte lazos entre a comunidade educativa; e o equipo de biblioteca recomenda lecturas para reflexionar e loitar contra a violencia de xénero. SUMÁDEVOS Á NOSA REIVINDICACIÓN!